“Демократия жана жарандык коом үчүн” коалициясы “Азаттык” жана “Би-Би-Си”
радио берүүлөрүн мамлекеттик толкундардан уктуруу боюнча түзүлгөн узак мөөнөттү келишимдерден баш тартуу тууралуу бийликтин акыркы чечимдерине кабатырлануусун билдирди. Коалиция тараткан билдирүүдө бир учурда көз карандысыз, кесипкөй, акыйкат, журналистиканын бийик стандарттарына төп чет өлкөлүк эки радиостанциянын берүүлөрүнүн токтотулушу кыргызстандыктарды, айрыкча элеттегилерди маалыматтан куру жалак калтыруу максаты деген шекти пайда кылат. Экономикалык себептер - сын көтөрө албай турган шылтоо. Калыбы, жергиликтүү көз карандысыз телерадио станциялардын эсебин тапкандан кийин, эми Эл аралык маалымат каражаттарына кезек келген өндөнөт деп айтылат “Демократия жана жарандык коом үчүн” коалцияисы бүгүн тараткан билдирүүдө. (BuS)
