Брюсселде бүгүн Евробиримдиктин саммити ишин улантып жатат. Андагы негизги маселелердин бири – климаттагы өзгөрүүлөргө каршы күрөшүү. Азырынча сунуш кылынып жаткан планга ылайык, Евробиримдик 2020-жылга чейин абага чыгарылып жаткан көмүр кычкыл газын, 1990-жылдагы деңгээлге салыштырмалуу, 20%га кыскартышы керек. Бул планга жетишүү үчүн аткарылчу иштерге 200 млрд.евро жумшалат. Бирок Германия, Италия жана айрым башка мамлекеттер эгерде жумуш орундарын кыркартыш керек деген талап коюлуп кала турган болсо, келишимди токтото турганын эскертишти.
