Ирактын сот бийлигинин өкүлдөрүнүн айтымында, Мунтадер аз-Зейди аттуу журналистке “өзүн агрессивдүү алып жүргөн” деген айып тагылууда. Бут кийим ыргыткандан сырткары журналист маалымат жыйынында Бушту “ит” деп атаган. Ак Үйдүн басма сөз өкүлү аз-Зейди айыптуу болгон-болбогонун Ирак бийлиги чечиши керек деген маанайда билдирүү жасады. Дүйшөмбүдө Иракта миңдеген адамдар журналисттин бошотулушун талап кылып, демонстрацияга чыгышкан.
