Жолугушуу жабык эшик артында өтүүдө. Ага Бириккен Улуттар Уюмунун, Евробиримдик, АКШ, ЕККУ, Түштүк Осетия жана Абхазиянын өкүлдөрү катышууда. Августта Орусия менен Грузия ортосундагы согуштан кийин эки тараптын ортосунда сүйлөшүүлөрдү өткөрүп, мамилесин жакшыртууга арналган сүйлөшүүлөр ушуну менен үчүнчү ирет өтүп жатат. Бул жолку жолугушууда башкы тема – качкындардын тагдыры жана аймактагы коопсуздук маселелери болмокчу. Сүйлөшүүлөргө катышуу үчүн Женевага келишкен орусиялык жана грузиялык делегацияларды эки өлкөнүн тышкы иштер министрлеринин орун басарлары жетектеп келишти.
