Кечээ Москвада улуу жазуучу Чыңгыз Айтматовдун 80 жылдыгына арналган ири эскерүү кечеси өттү. Ага орусиялык белгилүү жазуучулар, маданият ишмерлери, илим чөйрөсүнүн өкүлдөрү чакырылган. Иш-чарага ошондой эле Кыргызстандын Орусиядагы элчиси Раимкул Аттокуров да катышты. Эскерүү кечесинде чогулгандар маркум жазуучунун чыгармачыл жолу, анын дүйнөлүк адабияттын өнүгүүсүнө кошкон салымы тууралуу сөз козгошту. Аталган иш-чараны жазуучулар союздарынын жамааты жана Орусиянын Илимдер академиясынын дүйнөлүк адабият институту уюштурган. (AiJu)
