Ош базарынын жанында президентке кайрылуу үчүн кол топтоп жатканда кармалаган “Ата Мекен” партиясынын эки мүчөсүн үч суткага камоо тууралуу Ленин райондук соту чечим чыгарды. Бул тууралуу аталган партиянын жаш лидери Жоомарт Сапарбаев “Азаттыкка” кабарлады. Камалгандарга милицияга баш ийген эмес, нааразылык акцияларды өткөрүү эрежесин бузган деген айып тагылууда. Учурда сот жараяны аяктай элек. (EBM)
