Талкууну Бишкек маалыматтык-клубу уюштурууда. 23-декабрда өтө турчу талкуу “Комментарийлер жана жорумдар: макул жана каршы” деген теманын тегерегинде болуп, Улуу британиянын Астанадагы элчилигинин “Кыргызстандагы интернет журналистиканын өнүгүшүнө түрткү берүү” аттуу долбоорунун алкагында өтмөкчү. Талкууга депутаттар, бийлик өкүлдөрү, бейөкмөт уюмдардын өкүлдөрү, медиа эксперттер жана журналисттер катышмакчы. Жогорку Кеңештин айрым депутаттары интернеттик басылмаларды маалымат каражаты катары таануу керектигин жакташып, бул багыттагы мыйзам долбоор кызуу талаш-тартышты жаратып келатат. (IJz)
