Айрым маалыматтарга караганда, энергетиктер бул майрамды шаан-шөкөт менен белгилебейт. Ага энергетика тармагындагы кризис себеп. Анткени, азыр Токтогул суу сактагычындагы суунун көлөмү 8 жарым миллиард кубметрди түзүп калды. Өкмөт башчынын айтымында, 1-апрелге карата суунун көлөмү 6 миллиард 100 миллион кубометрди түзүп, ГЭСтин иштөөсү үчүн суу жетиштүү болот. Бирок кесипкөй энергетиктер бул көрсөткүч былтыркыдан 3 миллиард кубметрге аз болгондуктан кыштан жакшы чыгабыз деген убадага ишенбей жатышат. (BD)
