Эгерде Түркия Евробиримдикке мүчөлүккө умтулса, анда реформаларды активдүү жүзөгө ашырышы керек. Бул тууралуу Еврокомиссиянын мүчөсү Олли Рен билдирди. Рендин айтымында, Түркия сөз, дин жана этникалык азчылыктардын эркиндигин камсыз кылган конституциялык реформаны башташы зарыл. Мындан сырткары Олли Рен Балкандагы башка өлкөлөр дагы декабрда Евробиримдикке кошулуу үчүн арыз берген Черногориянын жолун жолдооруна үмүт артты.
