Массалык маалымат каражаттарына карата түшкөн арыздарды кароо боюнча комиссия 24-декабрда маалымат талаштарын сотко жеткирбей чечүүнүн ыкмаларын талкуулаган жыйын өткөрөт. Мындай жолдордун бири катары өзүн өзү жөндөө, деп сунушталууда. Аталган комиссия 2007-жылы декабрдагы журналисттердин курултайында түзүлгөн. Быйыл оппозициялык маанайдагы эки гезит “Де-факто” менен “Алибиге” түшкөн арыздын негизинде сот доого жыгып жабылган. Муну айрым укук коргоочулар бийликтин кысымы деп айыптап чыккан болчу. (EBM)