Райондук билим берүү бөлүмүнүн башчысы Кенжаалы Орозалиев мугалим Канчайым Стамованы “КТР обо” жана “Кыргыз туусу” гезитине жарыяланган “Орозалиевдин террорунан качан кутулабыз” деген макаласы үчүн сотко берген. “Эч документи жок эле, аны террорист деп мазактап, билим берүү министрине жана баш прокурорго даректеп макала чыгарган”, - дейт Орозалиев. Стамованын жолдошунун “Азаттыкка” билдиргенине караганда, Орозалиев Стамованы ушул жылдын жай мезгилинде жумуштан мыйзамсыз бошотуп, аны кайра ордуна кой деген министрдин буйругун Орозалиев аткарбай койгон, макала ошондуктан гезитке жарыяланган. (UA)
