Ирак парламенти бир нече өлкөнүн аскер күчтөрүнө кийинки жылдын июль айына чейин калууга уруксат берген макулдашууну жактырды. Кечээ парламенттин төрагасы Махмуд ал-Машхадани кызматынан өз каалоосу менен кеткенден кийин парламент макулдашуу үчүн добуш берди. Бириккен Улуттар уюмунун алдындагы эл аралык аскер күчтөрүнүн Иракта калуу мөөнөтү ушул жылдын 31-декабрында аяктамак. Буга чейин Ирак менен АКШ ортосунда дагы бул багытта келишим түзүлгөн. Ага ылайык, америкалык жоокерлер Иракта 2011-жылдын аягына чейин калат.
