Бул тууралуу Орусиянын президенти Дмитрий Медведев билдирди. Орусиянын монополисти “Газпром” Украина менен газ боюнча сүйлөшүүлөр туңгуюкка кептелгенин айтып, январда Украинага газ берүү токтотулушу ыктымал экендигин жарыялаган. “Газпромдун” билдирүүсүнө ылайык, Украина Орусияга газ үчүн 2 миллиард доллар карыз. Ошол эле учурда Европага газды үзгүлтүксүз жиберүүгө Украина менен талаш тоскоол болбой турганын “Газпром” дагы бир ирээт кайталады.
