Ирандын президенти Махмуд Ахмадинежад бүгүн Британиялык сыналгылардын бирине Ыйсанын туулган күнүнө карата билдирүү жасары күтүлүүдө. Маалыматтарга караганда, Ахмадинежад өз сөзүндө “эгерде Ыйса бүгүн тирүү болгондо дүйнөдөгү басып алуучулукка, согуштун башталышына себепкер болгондорго жана террорчуларга каршы чыкмак” деп айтышы ыктымал. Британиядагы жөөт уюмдар жана Израилдин Лондондогу элчиси Ахмадинежаддын Ыйсанын туулган күнүндө билдирүү жасоо чечимин сынга алышты. Алар Иран президентинин Израил тууралуу ачуу сөздөрүн эске алышып, Иран террорчулукту колдоп келген өлкө деп билдиришти.
