Ак Жол фракциясынан депутат Динара Молдошева Бириккен элдик кыймылдын түзүлүшүнө карата Азаттыкка өз пикирин билдирди. “Учурда оппозициянын ана башында өз кызмат орундарынан айрылышкан ушул эле бийликтеги мурунку аткаминерлер жүрөт. Аларга кызмат сунуштаса, жарымы кайра бийликке тартылат,” – дейт депутат айым. Анын пикиринде оппозиция бийликке келсе учурдагы кризистерди 1 жыл ичинда да жөнгө сала албайт. Саясий элита ар бир 10-15 жылда алмашуусу керек. Демократиялык түркүктөр менен ой жүгүрткөн жаңы муун гана азыркы кырдаалды өзгөртө алат, дейт Д. Молдошева. (EK)
