2009-жылга газ сатып алуу боюнча сүйлөшүүлөр жүргүзүү үчүн Өнөр жай, энергетика жана отун ресурстары министри Ильяс Давыдов бүгүн Ташкенге жөнөп кетти. Сүйлөшүүлөр бүгүн-эртең болуп, Давыдовдун 26-декабрда Бишкекке кайтып келиши белгиленген. Жыйынтык боюнча маалымат министрдин келиши менен болот,-деп кабарлашты министрликтин маалымат кызматынан. Өзбекстан газ үчүн бааны көтөрүп, 1000 куб метр газ үчүн 300 доллар сурап жатат. Өз кезегинде кыргыз тарап быйылкы бааны калтырып, 1000 куб метр газга 145 доллар төлөөгө даярдыгын билдирүүдө.(AiT)
