Ош облусунан зыяратчылыкка аттангандардын бири Асамидин «Азаттыкка» билдиргенине караганда, өзүн кошкондо 28 жердешинин визасы жасалма чыгып, ажы башы Абдыгапар Абдиваидов аларды Йорданиянын Амман шаарына таштап кеткен. Ошондон бери жердештеринин каражаты түгөнгөндүктөн, тыш дүйнө менен байланыш жок. Канчалык коңгуроо кагышса да, кыргыз бийлиги Меккеге жетпей калган мекендештеринин тагдырына кайдыгер. Быйыл адамдарды ажылыкка жөнөтүү менен шугурланган Ош облус казысы Сүйүн Калыков «28 кишинин сапарын ким уюштурса, ошол өзү алып келет» деген кыязда турат. (ATo)
