Украинанын Евпаторий курорттук шаарында көп кабаттуу үйдө болгон жарылуудан бери дегенде 24 киши каза тапты. Түрдүү маалыматтар боюнча кыйраган үйдүн алдында дагы ондогон адамдар калды. Жарылуунун бир нече себептери айтылууда, алардын бири – үйдүн жертөлөөсүндө кычкылтек жана ацетил сакталган баллондор жарылып кеткен болушу ыктымал. Украинанын президенти Виктор Ющенко 26-декабрды аза күтүү күнү деп жарыялады.
