Кытай парламентинин жогорку палатасы, же Улуттук Элдик Конгресс, ишембиде билдиргендей, мындан ары өлкөдө мектептер жер титирөөгө туруштук бере ала турган жогорку сапатта курулушу керек. Мектептердин бекемдиги башка коомдук имараттардыкынан жогорураак болушу керек деп билдирген. Быйыл май айында Кытайдын Сичуань провинциясындагы зилзадан 70 миң адам набыт болгон эле. Ал аймакта 7 миң мектеп кыйрап жок болгон.
