Учурда эки тараптын: бийликти алууну каалагандар менен бийлигин сактап калууга аракеттенгендердин гана күрөшү болууда. Мындай пикирин коомдук-саясий ишмер, Коопсуздук кеңешинин мурдагы катчысы Мирослав Ниязов “Азаттыкка” билдирди. Ал жаңыдан түптөлгөн Бириккен Элдик кыймылды жана алар сунуштап жаткан Өнүгүү концепциясын да колдобой тургандыгын билдирди. Анын айтуусунда радикалдык түрдө бийликти алмаштыруу –өлкөнү дагы артка тартат, маселе реформада эмес, кеп –күчтүү, мамлекетчил, билимдүү жетекчинин жоктугунда болууда. Мирослав Ниязов БЭК сунуштап жаткан парламенттик башкаруу системасы Кыргызстан үчүн жараксыз система, деп эсептейт. (ZKo)
