Сапардын максаты газ боюнча сүйлөшүүнү аяктап, келерки жылга келишим түзүү. Бул тууралуу Өнөр жай, энергетика жана отун ресурстары министринин басма сөз катчысы Татьяна Анкудович бүгүн “Азаттыкка” билдирди.Анын маалыматы боюнча, өзбек тарап 1 миң куб метр газга 300 доллар сурап, бирок бир аз арзандатууга макул болуп турат. Ал арзандатуу кыргыз тарап үчүн жетишсиз болууда. Андан сырткары тараптар Кыргызстанга канча өлчөмдө газ берилишин да талкуулаш керек.(AiT)
