АКШнын Мамдепартаменти жана Европадагы Коопсуздук жана кызматташтык уюму (ЕККУ) Азербайжан бийликтеринин эларалык радио станцияларды обого чыгарбоо чечимин сынга алышты. Азербайжанда расмий бийлик “Азаттык” радиосунун азери тилиндеги берүүлөрүн, BBC радиосун, “Америка добушу” үналгысын 1-январдан тарта обого чыгарбоо тууралуу чечим кабыл алган. АКШнын Мамлекеттик департаменти “Эгерде бул чечим аткарылса, анда ал Азербайжан демократиялык баалуулуктардан тайып, сөз эркиндигин кысмакка алганын көрсөтөт” деп билдирди.
