Стратегиялык талдоо жана баа берүү институту түзүлдү

Тиешелүү жарлыкка мамлекет башчы Курманбек Бакиев кечээ 31-декабрда кол койду. Президенттин басма-сөз кызматынан маалымдашкандай, аталган мекеме президентке караштуу Эл аралык стратегиялык изилдөөлөр институтунун базасында президенттин ишин маалыматтык жана долбоордук-талдоо жагынан камсыз кылууну мындан ары да оптималдаштыруу максатында түзүлдү. Институттун жетекчисине бир айлык мөөнөттө институт жөнүндө жобо боюнча жана институттун түзүмү жана штаттык саны боюнча сунуштарды киргизүү тапшырылды. (MSu)