Бүгүндөн тарта алты ай бою Евробиримдикте төрагалык кыла турган Чехия Газа тилкесине дипломатиялык миссия жөнөтөрүн билдирди. Чехиянын премьер-министри Мирек Тополанектин айтымында, миссиянын курамына Евробиримдиктин тышкы саясат боюнча жетекчиси Хавьер Солана, Биримдиктин тышкы мамилелер боюнча атайын өкүлү Беннито Ферреро Валднер, Чехия, Франция жана Швециянын тышкы иштер министрлери кирди. Азырынча миссиянын Газа тилкесине качан жөнөп кетери белгисиз.
