Француз кинорежиссеру Мари де Поншевиль германиялык кинопродюсер Франк Мюллер жана кыргызстандык актерлор менен биргелешип тарткан “Теңир” фильми бүгүн АКШнын Лос-Анджелес шаарында ачылып жаткан жыйырманчы эл аралык кинофестивальда көрсөтүлөт. Бул фестивальда адатта “Жылдын чет өлкөлүк мыкты фильми” деген ат менен “Оскар” сыйлыгына сунушталган кинофильмдер көрсөтүлүп, алгачкы сындан өтөт. Бул жылы фестивальга 73 мамлекеттин 210 тасмасы көрсөтүлөт. Нарында тартылган “Теңир” фильминде Франциядан чыгарылган жигиттин сүйүүсү менен бирге миграция жана экология темасы козголгон. (BD)
