“АКИ-пресс” агенттиги өз маалыматына таянып тараткан кабары боюнча вице-премьер министр Элмира Ибраимова кызматтан кетүү тууралуу арыз берди. Президенттин жана өкмөттүн басма сөз кызматы мындай маалыматты тастыктаган жок. Элмира Ибраимова буга чейин “Ак жол” партиясынын төрага орун басары, партиянын Жогорку Кеңештеги фракциясынын жетекчиси болуп иштеп келген. Жогорку Кеңештин мурдагы төрагасы Адахан Мадумаровго байланышкан жаңгак чатагынан кийин Элмира Ибраимова былтыр жайда вице-премьер министрликке дайындалган. (BuS)
