Банктарды кошумча каржылоо (рефинансирование) боюнча адистешкен фондду түзүүгө байланышкан жардыкты президент Курманбек Бакиев 8-ноябрда чыгарды. Жардыкта белгиленгенге караганда уланып жаткан дүйнөлүк кризистин жагдайында Кыргызстандагы банк системасынын туруктуулугун, натыйжалуулугун жана ишенимдүүлүгүн камсыз кылуу, коммерциялык банктардын туруктуулугуна көмөк көрсөтүү, коммерциялык банктарды колдоонун иштиктүү механизмин түзүү максатында ушундай чара көрүлүүдө. Фонд түзүү иштерин Улуттук Банк жана Кыргыз өкмөтү уюштурат.(BuS)
