Бул тууралуу кечээ БЭКтин саясий бюросунун жыйынында айтылды. 12-январда өтүүчү улуттук кеңештин жыйынында эң оболу өлкөдөгү каржылык жана энергетикалык оор кырдаал, сатыкка чыгарылып жаткан мамлекеттин стратегиялык мекемелеринин тагдыры сыяктуу маселелер каралмакчы. Ошондой эле жыйында февраль айындагы жер-жерлерде өткөрүлө турган иш-чаралардын планы каралып, оппозициядагы саясатчылардын куугунтукталышы сыяктуу маселелер да талкууланмакчы. (IJz)