Европага Украина аркылуу газ ташуу тууралуу Европа Биримдиги арачы түшкөн сүйлөшүүнүн жыйынтыгында Украина менен Орусиянын "Газпром" компаниясы кечээ газ жиберүүнү кайра баштоо тууралуу макулдашкан эле. Бирок ошол эле күнү кечинде Орусия Украинаны келишимди өзгөрттү деп күнөөлөп, макулдашуу күчүнөн кетти деп жарыялаган. Эми "Газпром" Украинанын баш калаасындагы бүгүн эртең мененки сүйлөшүүдөн кийин, Украин тарап келишимге кошумча шарт коюсуз дагы бир жолу кол койгонун билдирди.
