Укук коргоочу Төлөкан Исмаилова өз укугун коргоону сурап баш прокуратурага кайрылды. Төлөкан Исмаилованын билдиргенине караганда, ИИМдин жергиликтүү кызматкерлери укук коргоочунун Ысыккөлдүн Сары-Ой айылындагы туугандарына барып, Төлөкан Исмаилованын эмне иш менен алектенерине, кошумча ишкердиги бар-жок экенине кызыккан. “Жарандар коррупцияга каршы” укук борборунун башчысы муну үй-бүлө мүчөлөрүнүн конституциялык укуктарына кол салуу, куугунтук жана психологиялык басым деп эсептеп, Баш прокуратурага чара көрүүнү сурап кайрылганын “Азаттыкка” билдирди. (BuS)
