“Атуулдук коом коррупцияга каршы” өкмөттүк эмес уюмунун лидери Төлөкан Исмаилованын “Азаттыкка” бүгүнкү билдирүүсүнө караганда, ИИМдин 9-бөлүмүнүн кызматкери Турарбек уулу Шүкүрбек Ысык-Көлдөгү анын жакындарын териштирип, ар кандай кысымдарды көрсөтүүдө. “Андан 90 жаштагы атам кабатыр болуп жатат. Ошондуктан Башкы прокуратура жана ички иштер министри Молдомуса Конгантиевге кайрылып, текшерүүнү кааласа, мыйзам чегинде жасалышын талап кылам”,-деп белгиледи Төлөкан Исмаилова. Кыргызстан акыйкатчысы Турсунбек Акун адам укугун коргоодо өлкөдө абал начарлап кеткенин билдирген.(AiT)
