Президенттин жардыгы менен Кыргызстандын Россиядагы элчиси Раимкул Аттокуровго Кыргыз Республикасынын Толук ыйгарым-укуктуу элчиси наамы ыйгарылды. Бул тууралуу президенттин маалымат кызматынан бүгүн кабарлашты. Раимкул Аттокуров 2007-жылы Кыргызстандын Россиядагы толук-ыйгарым укуктуу элчиси болуп дайындалган. Ага чейин Кыргызстандын Россиядагы иштери боюнча ишенимдүү өкүлү кызматын аркалап келген. Бул кызматка ал 2005-жылдагы ыңкылаптан кийин барганы маалым.(AiT)