Кытай президенти Ху Цзиньтао жана башка лидерлер бул тууралуу Коммунистик партиянын паракорчулукка каршы күрөшүү боюнча башкы органы – Тартип инспекциясы боюнча коммиссиянын жыйынында айтышты. "Ассошейтед пресс" агенттигинин билдиргенине караганда, кытай лидерлери паракорчулукту - өлкөдөгү саясий стабилдүүлүккө олутуу коркунуч туудуруучу көрүнүштөрдүн бири катары мүнөздөштү. Президент Ху Цзиньтао азыркы каржылык кризистин паракочулукту күчөтүү ыктымалдуулугунан улам коррупцияга каршы күрөштү жандандырууга чакырды. Кытай коррупцияга каршы күрөшүүнүн беш жылдык планын былтыр апрелде баштаган.
