Саясатчы өзүнө каршы козголгон кылмыш иштерге карата өз пикирин коомчулукка жарыялайт. Башкы прокуратура Исаковго 31-декабрда жана 13-январда үч кылмыш ишин козгоду. Анда Исаковго Балыкчы аскер бөлүгүндөгү техникаларга, майрам күндөргө бөлүнгөн бюджеттик каражаттарга жана министрликтин карамагындагы турак үйгө байланыштуу мурдагы министр мыйзам бузууларга барган деген айып тагылууда. Исаков баш прокуратурага президент Бакиевдин буйругун аткарып жатат деген доомат койду. Мурдагы министрди Жогорку Кеңештин мурдагы төрагасы Мукар Чолпонбаев, мурдагы баш прокурор Азимбек Бекназаров коргой тургандыгы маалымдалды. (BuS)
