АКШ президенти Жорж Буш коштошуу сөзүндө 8 жыл ичинде жасаган иштерине сереп салып, дайыма Американын кызыкчылыгын ойлогонун белгиледи. Эмки шейшемби, 20-январда жаңы шайланган мамлекет башчы Барак Обама кызматына расмий киришмекчи. Буш кээде катаң чечимдерди кабыл алганын моюнга алды. Бирок анын саясаты Американы 2001-жылдын 11-сентябрынан кийин террордук чабуулдардан сактап калды, - деди Буш. Барак Обаманын инаугурациясын ал Америка үчүн “үмүттүн жана сыймыктын учуру” деп атады.
