Сот жыйынына Кара-Буура районунун акими Сартпек Эшалиев жана Кызыл-Адыр айыл өкмөт башчысы Болот Таташев күбө катары келбей калгандыктан, сот ишти кароону башка мөөнөткө которду. Өмүрбек Текебаевдин автоунаасы жана андан алынган куралдар милициянын колунда калды. Кара-Буура районунда бүгүн эл менен жыйын өткөрүп жаткан учурда милиция тарабынан кармалган Өмүрбек Текебаевге прокуратура санкция берилбеген жыйын өткөрдү жана курал алып жүрүүнүн эрежесин бузган деген эки айып коюп жатат. Бул айыптоолорду кара-Буура райондук соту дароо эле карап баштаган. (KCh)
