Кыймылдын расмий өкүлү Айман Таханын айтымында, ок атышуу 1 жумага токтойт. Анын узартылышы Израилдин Газадан чегинишине байланыштуу болмокчу. Хамас ошондой эле элге азык-түлүктүн жана эң керектүү башка нерселердин жеткирлишин камсыздоо үчүн Израилден чегара өткөөлдөрүн ачууну талап кылды. Ага чейин Хамас Израилдин бир тараптуу түрдө ок атышууну токотуу чечимин четке каккан. Израилдин топтун согушкерлерине каршы жүргүзгөн 22 күндүк операциясы палестиналык 1 миң 200дөй кишинин өмүрүн алып кетти.
