Жогорку Кеңеш кабыл алган мыйзам, эл кабыл алган Конституция анын башында кепил болуп туруучу президент бар. Өлкө башчы анда жазылганды жазылгандай, болгонду болгондой колдонуп кепилдик бериш керек. Укук коргоо органдарын тукуруп коюп кепилдик милдеттен четтеп кетиш туура эмес, деп билдирди саясат таануучу Токтогул Какчекеев. Анын айтымында, 2005-жылы 17-мартта Жалал-Абадда оппозициянын жыйыны болуп, ошондо Курманбек Бакиев экс-президент Аскар Акаевдин кылык жоруктары мен президент болсом кайталанбайт, деп убада берген. Тескерисинче бүгүнкү күндө коркутуп-үркүтүүлөр, саясий куугунтук күндөн күнгө күчөп баратат, дейт Какчекеев. (AJ)
