Вашингтондо АКШнын 44-президенти Барак Обаманын ант берүү аземине карата иш-чаралар башталды. Кечээ Вашингтондогу Линколндун мемориалында америкалык жана дүйнөлүк ырчылардын катышуусунда майрамдык концерт өттү. Концертке Барак Обама катышты. Буга чейин Обама Вашингтондун жанындагы улуттук мүрзөдө Белгисиз жоокердин көрүстөнүнө гүл чамбар койгон. Эртең Барак Обаманын ант берүү аземине эки миллиондон ашуун адам катышары күтүлүүдө.
