Барак Обама бүгүн АКШнын 44-президенти катары ант берип, кызматына расмий киришет. Ант берүү аземине болжол менен эки миллионго жакын адам катышары күтүлүүдө. Вашингтондо коопсуздук буга чейин болуп көрбөгөндөй күчөтүлүп, коопсуздукту жерден, суудан, асмандан камсыздоого 20 миңдей полициячы тартылууда. Ак үй менен Капитолийдин айланасындагы көчөлөр күн мурунтан эле жабылды. АКШнын тарыхындагы алгачкы ынды кара президенттин алдында бир катар олуттуу маселелер бар: алардын башкылары - Ирак жана Ооганстандагы согуш жана экономикалык кризис.
