Ооганстандын президенти бүгүн "өлкөдөгү бейстабилдүүлүктүн башкы булагы - чет өлкөлүк аскерлердин карапайын оогандарды өлтүрүп жаткандыгында" деп ырастады. Парламенттин ачылышында сүйлөгөн Карзай Батыш шериктерин талибдер менен согуштагы стратегиясын өзгөртүүгө чакырды. Анын аралыгында, АКШнын армиясы Ооганстанда кечээ 22 согушкер өлтүрүлгөнүн кабарлады.
