Ишкерликтин патент алуу менен жүргүзүлчү түрлөрүнүн тизмесин мекемелер аралык комиссия тактайт. Салык боюнча мамлекеттик комитеттин билдирүүсү боюнча, аны түзүү сунушу өкмөткө берилди. Комиссияга мамлекеттик мекемелер менен катар ишкер чөйрө өкүлдөрү киргизилет деген маалымат бар. Анткени патенттин негизинде салык алуунун өлчөмү көп ишкерлерди нааразы кылып, алар өлчөмдү азайтууну талап кылып жатышат. Ишкерлер менен кечээ жолугушууда өкмөт башчы Игорь Чудинов бул маселе өкмөттө эки жума талкуулангандан кийин чечилээрин жана анда ишкерликтин бардык түрү менен ишкерлерге бирдей шарт түзүү аракети көрүлөөрүн билдирди.(BD)
