Индиянын премьер-министринин жүрөгүнө артокоронардык операция жасалды

Жетимиш алты жаштагы Манмохан Сингх ооруканага кечээ (23-январда) түшкөн. Дарыгерлер анын саламаттыгын текшеришкен соң жүрөгүнө артокоронардык операцияны бүгүн жасашты. Аты аталбаган дарыгерлердин операциядан соң билдиргенине караганда, премьер–министрдин саламаттыгы "туруктуу жана жакшы болуп калды". Ал кеминде 48 саат реанимацияда болот. Операция алдында дарыгерлер премьер-министр ишке бир нече айдын аралыгында кайтаарын билдиришкен.