Өкмөт өткөн жылы “Түндүкэлектро”, Бишкек жылуулук борбору жана “Бишкекжылуулуктармактар” ишканасын бириктирип саттыкка койгон. Сатып алуучулардан арыздарды кабыл алуунун акыркы күнү катары 27-январь белгиленген. Мамлекеттик мүлктү башкаруу боюнча мамлекеттик комитеттин статс-катчысы Сүйөркул Бакировдун билдирүүсүнө караганда, ал жетектеген конкурстук комиссия арыз берүү мөөнөтү аяктагандан кийин келип түшкөн документтерди кароого киришет.(AiT)