Бул тууралуу Евробиримдиктин гуманитардык жардам көрсөтүү боюнча башкармалыгынын жетекчиси Луи Мишел билдирди.Анын айтымында, Газа тилкесиндеги тургундарга жардам көрсөтүү үчүн бери дегенде 70 миллион доллар керек. Газа тилкесине дүйшөмбү күнү барган Мишел Израилди гуманитардык жүктөрдү жеткирүү үчүн Газанын чек араларын ачууга чакырды. Евробиримдиктин өкүлү Израилдин согуштук аракеттеринен кийин аймактагы гуманитардык кырдаалды “кейиштүү” деп баалап, бул үчүн жоопкерчилик Израилде гана эмес, Хамас тобунда да болгонун кошумчалады.
