Ардагер офицерлердин демилге тобу аскер кызматкерлерине тамак-аш үчүн берилүүчү акча каражатын төлөтүп берүү талабы менен өкмөттү сотко берген. Бул тууралуу ардагер офицер Каравай Асаналиев “Азаттыкка” билдирди. Анын айтымында, мыйзам боюнча ардагер офицерлерге тамак-аш үчүн күнүгө 28 сомдон берүү каралса, иш жүзүндө 5 сом 30 тыйындан эле берилип келет. Бул маселе боюнча демилгелүү топ райондор аралык жана Бишкек шаардык сотуна кайрылганда, эки сот тең ардагер офицерлердин пайдасына чечим чыгарып берген. Учурда өлкө боюнча 15 миң ардагер офицер бар. (AJ)
