Евробиримдик экономикалык кризиске карабастан Ооганстанга 2013-жылга чейин 810 миллион доллар жардам берет. Бул тууралуу Еврокомиссиянын тышкы байланыштар боюнча жетекчиси Бенита Ферреро-Валднер Прагада Ооганстандын тышкы иштер министри Рангин Дадфар Спанта менен жолугушуу маалында билдирди. Евробиримдиктин төрагасы Чехиянын тышкы иштер министри Карел Шварценберг биримдик Ооганстандын коопсуздук күчтөрүн даярдоо багытында жардамды көбөйтөрүн белгиледи.
