Бүгүн Маданият жана маалымат министрлигинин коллегиясы өттү. Анда 2008-жыл жалпысынан алганда маданият жаатында үзүрлүү жылдардан болгону белгиленди. Министр Султан Раев былтыр маданият жаатындагы каржылоо рекорддук сумма - 500 миллион сомго жеткенин айтты. Жыйында министрликтин 2009-жылга карата иш-пландары да бекитилди. С.Раев быйыл жыл башында эле “Маданият тууралуу”жаңы мыйзам кабыл алынып, 2009-жыл да жемиштүү болот деген ишеничин ортого салды. Министр 2009-жылы маданият жаатында “Китепканалар жылы” деп жарыяланганын билдирди. Өлкөдө жаңы китеп фондун түптөө үчүн 5 миллион сом каралууда. (EK)
