Бул тууралуу борбордогу эркин экономикалык аймактын жетекчилеринин бири Бактияр Салиев билдирди. Анын айтымында, жаңы Салык кодексинде эркин экономикалык аймактарга берилген жеңилдиктердин алынып салынышы айрым ишкерлерди чочутуп, алардын арасында ишин токтотууга кам көргөндөрдүн санын көбөйтүүдө. Экономикалык өнүктүрүү жана соода министри Акылбек Жапаров өз кезегинде өкмөт жалпы Кыргызстандын аймагын эркин экономикалык аймака айлантуунун үстүндө иштеп жатканын айтып, өткөн жылы өлкөгө 586 миллион доллар инвестиция тартылганын, анын ичинен 30 миллион доллар гана Бишкек эркин экономикалык аймакка келгенин белгиледи. (AiT)
