Эл аралык сот ондогон жылдар бою уланып келген Украина менен Румыния ортосундагы Кара деңиздеги аймак талашы боюнча өз чечимин чыгарды. БУУнун Гаагадагы эл аралык соту Украина мунай менен газга бай келген Кара деңиздеги Змеиный деп аталган аралдын аймагын мындан ары кеңейте албайт деген чечимин чыгарды. Бул чечим Румынияга ал талашып келген аймактын бештен төрт бөлүгүн берет. Румын бийлиги талабынын 79 пайызы канааттандырылды деп билдирсе, Украинанын тышкы иштер министринин орун басары Олександр Купчигин соттун чечимин "акылга сыярлык мунаса" деп атады.
